凱撒利亞之最緊要識do

今次講下地中海風情。

凱撒利亞(Caesarea)位處以色列地中海海岸之上，雖現在已成廢墟，但仍有賽馬場的巨大遺址。









更妙的是可以看到海邊石灘上有一個四方形的凹處，凹處容許海水進入而成泳池，而旁邊的岸上乾地仍可見精緻的馬賽克圖案。配合地中海夏天的碧海藍天，可知屋主係一個識嘆之人。

至於離岸較遠之處則可見仍十分完好的古羅馬劇院建築群，劇院經修葺後仍可用於舉行現代的大型演唱會（可容二千人），除代表羅馬建造技術高超之外，也可以想像凱撒利亞在古代極盛之時的繁華景象。

係咁靚ge地中海海岸，好多男女團友都忍唔住要做出咁嘅動作：

其實游泳池所在係羅馬時代猶太地區之王大希律（或譯大黑落德）的王宮。

希律祖籍為以東人，其祖父在猶太哈斯蒙尼皇朝（馬加伯起義趕走希臘人建立的猶太皇朝）改信猶太教，希律本人受羅馬教育，當猶太成為羅馬屬地時被羅馬政府選為王，但因為他並非血統上的猶太人，所以自身甚無安全感，一直擔心猶太人會推翻他，因此雖然他身為猶太王，他覺得與其所管轄的耶路撒冷非常格格不入，並一直希望可以管治一個與自己背景相近的城市。

希律素以殘暴見稱，對老婆同親生兒子也毫不手軟，其暴名連遠在羅馬的凱撒都清楚（有說做希律的豬也勝過做他的兒子）。人們對希律的殘暴印象都係來自聖經馬太（或譯馬竇）福音中為防止新王出現而屠殺嬰孩（見馬太福音第二章），但同時希律也有鋪建設癮，特別是又大又威個尐，最著名的「作品」係為討好猶太人填平左人地成個耶路撒冷山頭起出來的聖殿山同猶太第二聖殿（而家則變成奧馬清真寺）。另一方面，佢亦好有生意頭腦，因著羅馬對中東香料的龐大需求，香料都要由中東兜路經北非亞歷山大港經地中海運往羅馬，希律諗，肥水不流別人田，點解唔開拓一條新水路？

加埋以上咁多心理同實際因素，希律就此促成凱撒利亞的出現。叫得凱撒利亞，地方就當然獻俾當時的老闆奧古斯都，除左大賺關稅之外最緊要係令老闆開心，而希律又真係一個識撈的世俗之子。

凱撒利亞的在歷史的重要性並不單係一個商港。猶太人反抗羅馬最大規模的暴動其實係公元66年由呢個城市開始，之後越燒越旺直到耶路撒冷，最後導致羅馬於70年派兵鐵腕鎮壓並將包括聖殿的整個聖城摧毀，而在猶太人被完全被趕出耶路撒冷後，羅馬更將猶太地易名為巴勒斯坦，此名稱取自猶太的死敵培肋舍特人（或菲利士人），可見當時羅馬對猶太的憎恨，而凱撒利亞自此正式成為巴勒斯坦屬省的首府。

當日的繁華，到今日都只是剩下頹垣敗瓦，但地中海的美態，依然令人迷戀。話說回來，凱撒利亞而家係海法市嘅豪宅區，有錢又對以色列有信心嘅，諗諗佢。