星際啟示錄

注意：可能有少許劇情透露，想去睇嘅可能不讀較好，但個人覺得係值得睇嘅。

如果以為呢套只係科幻片，咁我勸你租碟睇Avengers可能比較簡單。

導演Christopher Nolan的蝙蝠俠將一個漫畫人物提升到另一個層次，入場之前都知道唔可能可以簡簡單單咁睇完場戲，而且，冇得先入為主，好似為睇一個英雄人物而睇，整個故事都要一路睇一路消化。Time攞佢同《2001太空漫遊》的級數比較，渣哥就覺得套戲有一樣真係比得上的，就係開頭一段其實幾悶。

雖然你會估結局應該係好似荷理活英雄般為全人類犧牲懶係贊人熱淚，但慢慢睇落去你會發現其實成套戲想講嘅其實係人性同關係，特別係o係放大得非常緊要的時空之下人嘅抉擇，當中有真誠有欺騙，有自私但又夾雜著無私同責任，你對戲中人所做的你總會覺得有不對，但發覺你唔容易批評，因爲我地都可能好似佢地咁。另外，如何取捨係一個貫穿全戲的主題。

睇嘅時候，有點相對論的知識會比較好（其實，物理嘅野，我識條鐵），但如果睇時你身邊出現幾個街頭物理學家指指點點我唔會覺得意外，但記得提佢地熄電話同唔好講電話就可以了。睇完呢套戲，我也有點明白自己為何比較鍾意買碟回家煲了。